








Nakiisa si 𝙈𝙪𝙣𝙞𝙘𝙞𝙥𝙖𝙡 𝙑𝙞𝙘𝙚 𝙈𝙖𝙮𝙤𝙧 𝙑𝙞𝙘𝙩𝙤𝙧 𝙅𝙖𝙢𝙚𝙨 𝙋. 𝙔𝙖𝙥 𝙅𝙧. sa pagsaulog sa 𝗔𝗿𝗮𝘄 𝗻𝗴 𝗣𝘂𝗿𝗼𝗸 𝘀𝗮 𝗗𝗮𝘁𝗮𝗹 𝗟𝗮𝗻𝗮𝗼, 𝗕𝗮𝗿𝗮𝗻𝗴𝗮𝘆 𝗖𝗼𝗻𝗴𝗮𝗻, niining Lungsod sa Glan, Oktubre 30, 2026.
Mitambong usab sa maong kalihokan ang mga Punong Barangay sa kasikbit nga mga lugar, sila Hon. Roldan Sison, Hon. Ronald Canoy, Hon. Julito Embajador ug Hon. Silvano Dapidran, kauban ang ilang mga konsehal sa barangay, ingon man ang mga magtutudlo ug kawani sa EDSA Integrated School.
Kabahin usab sa selebrasyon ang pag-obserbar sa Indigenous Peoples (IP) Day ug ang pagpahigayon sa Barangay Assembly, nga naghatag og higayon sa komunidad sa pagpalig-on sa ilang panaghiusa, pagpasidungog sa kultura sa mga lumad, ug paghisgot sa mga kalihokan ug kalamboan sa maong purok.
Ang iyang presensya nagpakita sa padayon nga pag-abot sa serbisyo ug pagtagad sa lokal nga panggamhanan ngadto sa mga komunidad, lakip na ang mga purok nga nahimutang sa halayong bahin sa lungsod.
Dugang pa niini, naghatag usab si Municipal Vice Mayor og dugang nga cash prizes alang sa mga kalihokan, nga nakadugang sa kadasig ug kalipay sa maong selebrasyon.
Usa kini ka pahinumdom nga ang tinuod nga serbisyo publiko naglakip dili lamang sa pagtabang, kondili usab sa pagpaminaw, pagpakig-uban ug pagpalig-on sa panaghiusa sa matag komunidad.